غزل - ونیومے


غزل - ونیومے Cover Image
Share

غزل

 

 

بہٕ چھُسنا کوٛنڑ مۓ نِش روز دوٗر ونیومے۔

مہٕ چھُس ناراہ ژے سپدی سوٗر ونیومے۔

 

یِمن بالن تہٕ سنگرَن کیازِ سبزارُک ٹیڑاکُر۔

نِیَکھ جاماہ ؤلِتھ یہِ ہَردُک ژوٗر ونیومے۔

 

آفتاب گوڑٕ نارٕ دوٛد ژے ادٕہ گاش دیوتنے۔

گٹہِ منزٕ چھُنہٕ لوٗٹھ ژھانڑُن نوٗر ونیومے۔

 

ژٕہ روٗدُکھ عُمرِ کانچھان جنت تہٕ جہنم۔

تلاشُن چھان ژے کتھ کِژ حوٗر ونیومے۔

 

یہٕ کیاہ چھُک نار نینگلان دریاو دباوان۔

ہاے! پییٖی تاون گژھکھ معزوٗر ونیومے۔

 

ہتو، ووننم وُٹھن چانین یہِ تھار کیازیو۔

سفر اڈہٕ لیوک ژٕہ کر گوڈہٕ پوٗر ونیومے۔

 

کلس تھاو سنگ ژٕ پیٹھ ییلہ تور نیرکھ۔

تتین ہا رَب مٔتھِتھ کو٘م بوہدور ونیومے۔

 

عرضِ دیدار کور نِگاؔر بے حو٘ش خامن۔

کلیمسؑ نظرِ منٛز ۂرِتھ پیو طو٘ر ونیومے۔

Written By:

Mudasir Nigaar