افسوس

ودان بٔہ وندٔ رأژن منز

تپان شیٖن سرد رأژن منز

بٔہ کُنی ووپرَن تٔہ بأژن منز

بٔہ انِہ گٹہٕ سیاہ رأژن منز

مے روو جمع تٔہ رأوِم شب

اوبُر گوو ژأپِتھ بٔرِتھ گاشٔہ نب

مے ژھرِسٔی زمیٖنس دِت نہ دب

لبۂ تَے ونہِ لولٔ شہَر، کِتھ کٔنی لب؟

بۂ منز سرَس گمٔژ مارَے

نَہ چھُم پوتھ پھیرنَس وارٔیٰ

مے ؤنِتو کُس دِیَم تارئ

یتہِ نم مٔسلَس کران لارئ

مے پھریس، بونی ونہِ کُنیٖ کتھ بوز

مے دردِلئ کڈان گیۂ کوس

یہِ ہال میون بوزِتھ ژٔ مَہ گژھ روز

یِہ دُنیا ازلَے مکامِ افسوس