غزل-لٹے-چمن

لٹے چمن میں خزاں کا موسم کوئی تمنا جگا رہا ہے 

بحر وفا کی مچل رہی ہے فلک جو نغمے سنا رہا ہے

شجر پہ بیٹھا کوئی پرندہ جو بانسری سی بجا رہا ہے

ہمارے زخم جگر کو جیسے یہ اپنی دھن سے نچا رہا ہے

کوئی چناروں کے سرخ پتوں کو ہر طرف سے بچھا رہا ہے

کہ گھر Ú©Ùˆ جانے  Ú©Û’ راستے کا ہر ایک نقشہ مٹا رہا ہے

کسی کی باتوں کی خیر یا رب عجیب جادو بنا رہی ہے

کہ ابن انشا کے شعر جیسے چرا کے ہم کو سنا رہا ہے

کسی Ú©ÛŒ آنکھوں Ú©ÛŒ خیر یا رب عجیب چکر چلا رہی ہیں 

جو دیکھتا ہے کسی Ú©ÛŒ آنکھیں وہ جشن مستی منا رہا ہے 

میں ان سے مل کر بدل گیا ہوں مری تمنا بدل گئی ہے

کوئی بھی حسرت نہیں بچی ہے جنون ہستی مٹا رہا ہے

ابھی بھی پختہ نہیں ہوا ہوں وہ دن کہاں جب پہاڑ سا تھا 

میں شب کے طوفاں میں لٹ گیا تھا کوئی دوبارہ بنا رہا ہے

کہ اب ہے آتش حرام مجھ پر, جلاؤ پر میں نہیں جلوں گا

جو سوچتا ہے جلا سکے گا وہ خود کو خود ہی جلا رہا ہے

یہ جس کو پی کر مگن ہوا ہوں, یہ جس میں کوثر ملا ہوا ہے

سمجھ گیا یہ شراب مجھ کو نجف کا ساقی پلا رہا ہے

غزل میں مقطع نہیں لکھا تھا طلب کیا پھر کسی Ù†Û’ ذیشاں 

وہ جو عداوت کی آندھیوں میں مجھے محبت سکھا رہا ہے